Nilagdaan ng Department of Migrant Workers (DMW), pamahalaang panlalawigan ng Zambales, at mga pamahalaang lokal sa lalawigan ang Memorandum of Agreement (MOA) on Convergence and Expanded Livelihood Program for OFWs Reintegration (ELPOR) upang higit pang mapalakas ang serbisyo at programang nakalaan para sa overseas Filipino workers (OFWs) at kanilang pamilya.

Layunin ng kasunduan na pagtibayin ang koordinasyon ng mga ahensya ng pamahalaan at local government units (LGUs) sa paghahatid ng reintegration programs, employment facilitation, skills training, livelihood assistance, at welfare services para sa mga OFW at returning OFWs.

Pinangunahan ni DMW Undersecretary Bernard P. Olalia ang MOA signing kasama ang Technical Education and Skills Development Authority (TESDA), Department of Labor and Emplyment (DOLE), Pamahalaang Panlalawigan ng Zambales sa pamumuno ni Governor Hermogenes Ebdane Jr., at mga alkalde at Public Employment Service Office (PESO) managers mula sa iba’t ibang bayan sa lalawigan.

Kabilang sa mga layunin ng convergence initiative ang pagpapalakas ng kampanya laban sa illegal recruitment at human trafficking sa pamamagitan ng information sharing, referral systems, at mas pinaigting na koordinasyon ng mga ahensya at LGUs.

Dumalo sa aktibidad si San Marcelino Mayor Elvis Ragadio Soria kasama sina MPDC/PESO Manager EnP. Floralyn Ramat-Mendoza at PESO staff na si Criselda Babas bilang kinatawan ng Pamahalaang Bayan ng San Marcelino.

Kasabay ng MOA signing, tumanggap ng financial assistance ang 20 OFW beneficiaries mula sa iba’t ibang bayan ng Zambales sa ilalim ng ELPOR.

“Edukasyon…Respeto…Serbisyong tapat para sa inyo…MARCELINEANS!”

#SerbisyongSORIA#TatakERS